Bima ya Afya

Imetumwa: April 18th, 2018

ULANGA 

NA YUSTER SENGO

Afisa matekelezo pia mratibu wa bima ya afya mkoa wa morogoro Bw.Hamidu Mwambungu amesema kuwa  Bima ya afya ya NHIF na CHF iliyoboreshwa wanatarajia kujiunga kwa pamoja ili kuboresha wigo wa huduma za afya hapa nchini.

Bwana Mwambungu amesema kuwa lengo la kuungana na CHF iliyoboreshwa ni kuiboresha zaidi ili mwanachama aweze kupata  huduma za afya kutoka katika vituo vya afya kwa nchi nzima tofauti na hapo awali.

Aidha ameongeza kuwa kutokana na kuboreshwa zaidi kwa CHF mwanachama atalipia shilingi elfu thelathini kwa mwaka  badala ya shilingi elfu kumi kama ilivyokuwa hapo awali ambapo huduma hiyo ilikuwa ikitolewa katika mikoa mitatu tu ikiwemo mkoa wa Morogoro,Dodoma pamoja na Shinyanga.

Aidha Bw.Hamidu ameongeza kuwa mwanachama atapatiwa huduma zote za msingi na hivyo kuna baadhi ya huduma ambazo haziwezi kutolewa ukiwa na kadi ya CHF lakini maboresho bado yanaendelea kufanyika zaidi ili mwanachama aweze kupata huduma bora zaidi.

Akizungumzia huduma hizo zitakazoboreshwa zaidi amesema kua bima ya afya ya CHF itatoa huduma mbalimbali ikiwemo gharama za vipimo,gharama za dawa,gharama za nje na kulazwa..

 Pia bima ya afya CHF itatowa huduma kwa watoto walio chini ya miaka kumi na nane kwani afya zao zikiteteleka  katika umri mdogo hawataweza kuwa na afya nzuri yakuwawezesha  kufanya kazi kwa ufanisi na ustawi wa taifa kwa jamii zinazowazunguka.

Aidha ameongeza kuwa wanatarajia kutoa elimu kwa wanachi wa wilaya ya Ulanga juu ya kujiunga na huduma hiyo na kuwataka wananchi kujiunga na huduma hii ili waweze kupata matibabu kwa wakati.

MWISHO.