Mahakma wilaya ya Ulanga yahadhimisha wiki ya sheria kwa kutoa elimu kwa wafungwa gereza la Ulanga

Imetumwa: January 28th, 2021

Wananchi wilayani ulanga mkoani morogoro wametakiwa kujitokeza kwa wingi kwenye wiki  ya  sheria ili kufahamu mambo mbalimbali yanayohusiana na sheria.

Hayo yamesemwa na hakimu mkazi mfawidhi wa  mahakama ya wilaya ya ulanga mh. James mhanus wakati wa uzinduzi wa wiki ya sheria kwa wilaya ya ulanga   na kuongeza  kuwa  elimu hiyo  inafaida  kubwa kwa jamii kwa kuwa watajifunza  mambo mbalimbali yanayaotolewa na wadau mbalimbali wa mahakama kama vile ustawi wa jamii, takukuru, polisi, magereza na mahakama zenyewe.

“nawaomba wakazi wa wilaya hii wajitahidi kujitokeza na kuhudhuria wiki ya sheria ili kuweza kujifunza mambo mbali mbali hususani mambo ya sheria na pia watajifunza mambo mbali mbali kutoka takukuru,polisi,magereza,na mahakamani pi”Amesema Mhanus

Uzinduzi huo umefanyika leo 25/1/2021 katika gereza la mahenge ambapo wafungwa pomoja na mahabusu wamepata nafasi ya kuuliza maswali mbalimbali na changamoto wanazokutana nazo  na kwa upande wa mahakama na mwendesha mashtaka  amejibu na kutatua baadhi ya changamoto ambazo zimekuwa ndani ya uwezo wao.

Hata hivyo mahabusu wametoa  shukrani zao kwa mahakama na muendesha mashtaka  kwa kuwa wamewajali na kuwathamini kwa kuweza kufanya uzinduzi huo  katika gereza la mahenge.

Aidha  mh. Hakimu pamoja na muendesha mashtaka  wa  jeshi la polisi   inspekta simon mgonja,   wametoa wito  kwa  wafungwa watakao  maliza muda  wao  na mahabusu ambao watakaokuwa hawana hatia waende wakawe raia wema kwenye jamii na sio kurudia makosa.

Wale ambao wata,maliza muda wao humu ndani ,tunawashauri wakawe raia wema huko waendako na waepuke kurudia makosa ambayo yatawafanya kurudishwa humu ndani .”Amesema Muhanus

 Wiki ya sheria   itaendelea hadi tarehe 29/1/2021  ambapo  kwa siku ya kesho 26/1/2021 mahakama itaendelea kutoa elimu katika shule sekondari nawenge