Mchengelwa awataka wafugaji kufuga kisasa

Imetumwa: August 6th, 2023

Na . Yuster Sengo

Wafugaji wametakiwa kufuga kisasa ili kupunguza migogoro na kujipatia faida ya kufuga mifugo kwa tija

Kauli hiyo imetolewa na waziri wa maliasili na utalii Mohamed Omary  Mchengelwa alipotembelea banda la Halmashauri ya wilaya ya Ulanga kwenye viwanja  vya Nane Nane  mjini Morogoro ili kujionea maonesha kwenye banda hilo

Mh Mchengelwa  amesema kuwa mifugo inatakiwa ifugwe kwa kuwafungia ng”ombe na sio kuwaacha wakizurula hovyo jambo linalopelekea migogoro kati ya wafugaji ,wakulima pamoja na maeneo ya hifadhi ya wanyamapori

Waziri Mchengelwa amesema kuwa kama Ng”ombe watafugwa vizuri watakuwa na afya njema,watatoa maziwa ya kutosha lakini pia nyama yake itakuwa nzuri na mfugaji atapata faida kubwa kwenye ufugaji wake

Maonwesho ya nane nane yanafanyika mjini Morogoro kwa kanda ya mashariki inayobebwa na kauli mbiu isemayo “Vijana na Wanawake ni msingi imara wa mifumo endelevu ya chakula”