wakulima watakiwa kufuata ushauri wa wataalam wa kilimo

Imetumwa: July 20th, 2020

Na.Yuster  Sengo

Wakulima wilayani ulanga mkoani morogoro wametakiwa kufuata  ushauri wa wataalamu wa kilimo ili kuepusha tatizo la kuhama hama kufuata ardhi yenye rutuba wakati wa maandalizi ya shamba .

Hayo yamesemwa  na  kaimu afisa  kilimo Bwana Joseph Mkude wakati akizungumza  na ulanga fm ,ambapo  ameeleza kuwa  wakulima wengi wamekuwa na tabia ya kutowatumia wataalamu wa kilimo kwa kufuata kanuni na taratibu za kilimo hali ambayo imesababisha ardhi kupoteza rutuba.  

Aidha  bwana Mkude ametoa ushauri kwa wakulima kuwa endapo hali ya mazao yao yataonyesha kutokuwa na rutuba wanatakiwa kuwaona wataalamu wa kilimo ,na endapo kutakuwa na ulazima wa kutumia mbolea  watashauriwa aina ya mbolea ya kutumia katika mazao haya.

“Niwashauri wakulima pale mazao yanapokuwa siyo bora ni muhimu sana kuwaona wataalamu wa kilimo iliwaweze kuwapa  ushauri wa kitaalamu nini cha kufanya ili kuweza kupata mazoa yenye rutuba na ubora unaotakiwa “Amesema Mkude 

Hata hivyo bwana mkude amewatahadharisha wakulima kuacha tabia ya kutumia mbolea bila kufuata ushauri wa wataalamu hao  kwani inawezekana mbolea inayo takiwa kutumika katika  mazao hayo sio  ambayo mkulima anaitumia na hvyo kusababisha madhara mengine.

Bwana mkude ametoa wito kwa wakulima kuacha tabia ya kulima kwa mazoea badala yake wawatumie wataalamu wa kilimo kupata maelekezo na kanuni za kilimo.

“Wakulima mnatabia ya kulima kwa mazoea ,tabia hiyo muiache maana mnasababisha kupata mazao yasiyo bora au wakati mwingine kukosa kabisa hivyo ni vizuri kuwatumia wataalam wa kilimo ili kujua mlime mazao gani na kwa wakati gani au hata mtumie mbolea ipi kwa mazao yapi  “Amesema Bw. Mkude