Wakulima Wilayani Ulanga Waaswa Kuzingatia Kanuni Bora za Kilimo

Imetumwa: January 24th, 2018

ULANGA

Na

Fatuma Mtemangani

Wakulima wa zao la mahindi wilayani Ulanga Mkoani  Morogoro wameaswa kuzingatia kanuni bora za kilimo cha kisasa na chenye tija ili waweze kupata mazao ya kutosha.

 Hayo yamebainishwa na kaim  Afisa Kilimo Wilaya ya Ulanga Bwana Joseph Mkude  wakati  akizungumza na Rediou Uanga FM walipo mtembelea ofisini  kwake  amesema  kuwa wakulima wanapaswa kutumia mbolea ya kupandia kwa kwa sasa kuboresha zao hilo.

Aidha Bwana mkude ameongeza kua wakulima wanatakiwa kuzalisha zao hilo kwa wingi  kwani kwa sasa zao hilo limekuwa ni zao la biashara  katika wilaya hiyo na hakuna usumbufu wa kupata soko la uhakika kwani kipo kiwanda cha kutengeneza sembe kilichopo tarafa ya mwaya kijiji cha mbuga na kipo hatua ya mwisho kukamilika.

Bwana.mkude amewataka wauzaji wa mbolea katika maduka ya pembejeo  kuuza mbolea hizo kwa bei elekezi iliyopangwa na serilikali ambapo kila mfuko wa kilo hamsini uuzwe kwa bei ya sh.elfu hamsini kwa mbolea aina ya Dap na mbolea ya Yulea iuzwe kwa bei ya sh.Elfu thelathini na tisa kwa kilo hamsini na si vinginevyo.