WANAWAKE TUZUNGUMZE

Imetumwa: October 23rd, 2017

Wanawake wilayani ulanga mkoani Morogoro wanatarajia kupatiwa elimu kwa kuzimbua fursa zilizopo katika maeneo yao kwa kukitumia vyema chombo cha wanawake wilayani ulanga.

Akizungumza na Redio Ulanga Fm mwenyekiti wa chombo hicho bi.Jasmin Kihele amesema kua uwepo wa chombo hicho utasaidia kuwaunganisha wanawake walio mijini na vijijini ili kuibua fursa za kiuchumi na namna sahihi ya kupambana na dhana ya wanawake kutopendana.

Bi.Kihele ameongeza kua lengo kuu la kuanzisha chombo hicho ni wanawake kukaa pamoja na kupanga mikakati ya kua walinzi na kutoa ushirkiano kwa baadhi ya watu wanaowapa mimba mtoto wa kike pamoja na kumkomboa kuhakikisha hakatishi ndoto zake ili atimize malengo yake aliyokusudia.

Aidha watapatiwa elimu juu ya kukatishwa tamaa katika jamii,kudhurumiwa,kutopea nafasi katika kusimamia mirathi pamoja na kupata sauti ya pamoja ili kutekeleza haki zao  kwa kupitia chombo cha wanawake Wilayani Ulanga.

Chombo cha Wanawake wilayani Ulanga kimebeba kauli mbiu isemayo WANAWAKE TUZUNGUMZE na kinatarajia kuzinduliwa rasmi hivi karibuni wilayani ulanga mkoani Morogoro kwa lengo la kuondoa dhana ya wanawake kutopendana.